Тақырыбы: «Жомарт күз»
Мақсаты:Балалардың әртістік қабілетін дамыту, еңбексүйгіштікке баулу, табиғатты сүюге тәрбиелеу, ауызбіршілікке бейімдеу.
Зал мерекеге сай безендірілген. Әдемі сазды әуен ойналып тұрады. Бүлдіршіндер тәрбиешімен бірге кіріп, орындықтарға жайғасады.
Тәрбиеші: Құрметті қонақтар, балалар! Бүгін «Болашақ» тобының балалары дайындаған «Жомарт күз» атты ертеңгілігіне қош келдіңіздер.
- Қараңыздаршы, бүгін біздің балалар қандай әдемі болып кеткен.
(Балалар орындарына отырады,тарсылдаған жаңбырдың дауысы естіледі)
- Балалар, тыңдаңыздаршы бұл не шу?
(Жаңбырдың дауысымен залға бұлттар кіреді)
Күзгі көк бұлт біз боламыз
Көтеріліп теңізден .
Аспанға биік барамыз,
Қаласақ қазір сендерге,
Жаңбыр болып жауамыз.
(Балаларға жаңбыр шашады)
Жүргізуші:
Жаңбыр, жаңбыр жаумай тұр,
Дабылыңды соқпай тұр.
Саяғыңды түгендеп .
Үйіріңді соқпай тұр!
-Біздің қыздар сендерге «Аққу» биін билеп берсін!
Би «Аққу»
Бұлттар: Рахмет балалар билерің бізге ұнады. Өнерлі екенсіңдер.
Жүргізуші:Балалар бізге бұлттармен бірге көңілді , бірақ бізге күн жетіспейтін сияқты. Қане, балалар бәріміз мейрамымызға күнді қонаққа шақырайық!
(Балалар орындарында отырып , қолдарын шапалақтап,аяқтарын тыпырлатып , күнді шақырады). Күн келеді.
Күн:
-Сәлеметсіңдерме, балалар !
Мен жарқырап төбеде,
Нұрын төгіп тұрамын.
Шуақ шашып бәріне,
Бала жанын ұғамын.
Бұлттар:
Біз бұлттармыз, бұлттармыз
Қолымыздан ұстаймыз.
Көк аспанды торлаймыз,
Күнді жасырып қоршаймыз.
Жүргізуші:
Көрінші бізге қымбатты күнім
Қуантшы бізді нұр шашып бүгін
Күн:
Қуантар ем бұлттар мені қоршап алды,
Көк аспанды қара бұлттар торлап алды
Шуағымды шаша алмаймын мен жерге
Желді шақыршы көмектессін сендерге.
Жүргізуші: Күзгі жел, тез келші мұнда қалыспа
Бұлттарды ұшырып, қушы өте алысқа
(Музыкамен жел келеді)
Жел:
Мен күзгі желмін, өте жылдам желемін,
Бұлттарды алысқа қуу үшін келемін.
Бұлттар:Біз бұлттармыз, үлкейе береміз, (шеңберді үлкен жасайды)
Ашуымызға тисеңдер,
Жаңбыр болып нөсерлетіп төгеміз.
Жүргізуші:
Сұрғылт бұлттар! Біз сендерден қорықпаймыз,
Күнді сөндіре алмайсыңдар.
Күштіміз деп, мықтымыз деп
Мақтануды неге қоймайсыңдар?
Жел: Балалар, бұлттар қанша мықты болса да олар желден қорқады. Сондықтан маған көмек керек, кәне бұлттарды үрлейікші, әйтпесе жалғыз шамам жетпейді. (Бәрі үрлейді)
Бұлттар: Ай, ай, ой, ой бізді қуып жатыр, қашайық.
(Жел бұлттарды қуып кетеді, күн қалады)
Жүргізуші:Мінеки балалар, күзгі жел бұлттарды қуып әкетті. Ал шуақты күніміз ортамызда жарқырап тұр. Енді біздің мерекеміздің шырқын ешкім де бұза алмайды.
(Осы кезде әдемі әуенмен Күз ханшайымы келеді)
Күз ханшайымы: Сәлеметсіздер ме, балалар!
Балалар:Сәлеметсіз бе!
Уа, халайық, дархан далам армысың,
Табиғатым жаны жайсаң тал мүсін
Ханшайымы Күздің бүгін келіп тұр,
Алмақ болып бар халқымның алғысын.
Мен – Күз ханшайымымын. Сендерді көргеніме қуаныштымын.
Жүргізуші: Қош келдің, Күз ханшайымы! Төрлет!
Біздің балалар Күз туралы өлең, тақпақ, жұмбақтар шеше алады. Сіз жайланып отырып, балалардың өнерін тамашалаңыз.
Ән: « Алтын күз»
Тәрбиеші: Жарайсыңдар балалар!Ал олай болса күз мезгілі туралы тақпақтарымызды айтып берейік.
Елхан:
Алақай! Алақай!
Шаттанды балақай!
Күз түсті, дән пісті.
Айтамыз алғысты.
Қамба толды астыққа
Алғыс саған алтын күз.
Бір уыс дән шаштық та,
Қап - қап қауын алдық біз.
Нұртілеу:
Көк майсалы көрікті
Алқаптағы көп егін
Бұл күндері киіпті
Сары жібек көйлегін.
Жел тынымсыз гуілдеп,
Болып кетті тым бұзық.
Шуылдайды тал, терек,
Жапырағын жұлғызып.
С.Айзере:
Алтын күз бірде шуақ, бірде салқын,
Жер мен көк жалтыраған сап-сары алтын
Ағашта жапырақтар сылдырлайды,
Төгілген алтын теңге сансыз жалқын.
Сары алтын батсайыдай дала мидай,
Үйілген мая-мая қызыл мидай
Қырманда қызыл алтын, қызыл маржан,
Жайнайды жаратылысберген сыйдай.
Айсана:
Сарғайды тоғай,
Сап-сары маңай.
Соңғы әнін айтып,
Құс кетті қайтып.
Айнала жым-жырт,
Көк аспан сұрғылт.
Жер жыртқан тыңда
Трактор қырда.
Жапырақ ұшты,
Суық та түсті.
Сонда да бізге,
Қызық көп күзде.
Медина:
Қарашы күз келді, күз келді
Жапырақ жауыпты іздерді.
Құс біткен керуен тізеді,
Қара бұлт қабағын түйеді.
Жетті желмен алтын күз,
Жеміс жинау салтымыз.
Жиып - теріп болған соң,
Той жасайды халқымыз.
Айлин:
Берекесін сыйлауға,
Өлкемізге күз келді.
Жемістерін жинауға,
Шақырады біздерді
Алтын, сары, қызыл, көк,
Алуан – алуан жапырақ.
Күзгі бақта күлімдеп,
Көз тартады атырап.
Айдина:
Күзде дала жаурайды,
Көкте бұлттар аунайды.
Бұтағынан үзіліп,
Жапырақтар саулайды.
Алқаптан бидайды
Қоймаға ел жинайды.
Тырнасы тізілген,
Ұнатамын күзді мен.
А.Димаш:
Ән салыңдар күліңдер
Жайнап гүлдей жүріңдер.
Күздің тойын тойлайық
Би билейік, ойнайық.
Күздің қазан айында
Алма, алмұрт піседі.
Жапырақтар сарғайып,
Сыбдыр - сыбдыр етеді.
Би: «Қырманшылар»
Жүргізуші: Күз ханшайымы, балалардың өнерлері ұнады ма?
Күз ханшайымы: Иә, балалардың бәрі өнерлі екен.
Жүргізуші: Қане, балалар, осындай молшылық Күз айында бір ойын ойнап жіберейік. Ол ойын «Кім жылдам?» деп аталады. Ойын шарты бойынша ұлдар бір себетке көкөністерді жинайды, ал қыздар екінші себетке жемістер жинайды.
Ойын: «Кім жылдам?»
Ойынның шарты: Жемістермен көкөністерді ажыратып жинау.
Жүргізуші: Күз ханшайымы, балалардың ойынына баға беріңіз.
Күз ханшайымы: Жарайсыңдар, балалар! Көкөністер мен жемістерді дұрыс ажыратып жинадыңдар.
Жүргізуші:
Берекесін сыйлауға
Өлкемізге Күз келді.
Жемістерін жинауға
Шақырады біздерді.
-Келесі кезекте балалардың тақпақтарына берейік.
Алихан:
Кун суытып
Жапырақтар түседі.
Астық - жеміс жиылды.
Қамбамызға құйылды.
Қуандырып біздерді
Кел жемісті алтын күз,
Өлкеізге күз келді
Кемелдеисін халқымыз.
Аянат:
Жеміс мол теретін
Күз дос екен бізбенен
Бәрін тауып беретін
Жомарт екен күз деген
Берекесі сыйлауға
Өлкемізге күз келді
Жемістерін жинауға
Шақырады біздерді
Әмір:
Алтын, сары, қызыл, көк
Алуан - алуан жапырақ
Ағаштардан жамырап
Ұшты кенет жамырап
Көбейді құт береке,
Астық толы қамбамыз.
Құтты болсын мереке,
Алтын күзді тойлаймыз.
Т.Айзере:
Сап-сары ғып даланы,
Бояпты ғой күз деген.
Құстар қанат қағады,
Қоштасқандай бізбенен.
Жайдары күз,жомарт күз,
Аяулы күз,алтын күз.
Дәнге толы кең далам
Дариядай шалқып жүр.
Нұрғали:
Қоңыр салқын тарады
Қойнаулар мен сайлардан,
Қаздар қайтып барады,
Қайтқан елдей жайлаудан.
Соңғы шуақ төгіліп,
Жалқынданып тұр аймақ.
Ақ сәулеге шомылып,
Жапырақтар жүр ойнап.
Мансұр:
Келді міне күз,
Айнала сары түс.
Керемет, тамаша,
Қандай әсем күз.
Жеміс-жидек пісті,
Қамбаға астық түсті.
Қызу жұмыс басталып,
Жинап алды жан салып.
М.Димаш:
Думан толы асқарлы
Күз мезгілі басталды.
Күз әуені кеп жетті,
Әнге бөлеп жастарды.
Нұрға бөлеп өмірді,
Жырға бөлеп көңілді,
Жарқыраған сәулелі
Күз әуені төгілді.
Ән: «Біз алманы жақсы көреміз».
Күз ханшайымы: Рахмет, балалар! Өнершіл-өрендерім! Міне,менің сыйлығым бір себет Күз сыйы. Сендерге денсаулық, шаттық және байлық әкелсін.
Жүргізуші: Күз ханшайымы, саған мың алғыс! Бүгінгі сыйлығына рахмет . Бізге тағы кел, біз сені сағына күтеміз.
Күз ханшайымы:
Берекелі бақ дәулет
Артта түссін тойланып.
Сау болыңдар, балалар,
Келгенше жыл айланып.
(Осы кезде әуен ойналады, Күз ханшайымы қоштасып кетеді)
Қош бол,Күз ханшайымы.
Тәрбиеші: Күздің кереметі, байлығы өте көп. Күзде біздің дастарханымыз дәнді дақылдарға, көкөністерге, жеміс-жидектерге толы болады, бірақ осы байлыққа жету үшін көп еңбек ету керек.
Міне, балалар осымен «Жомарт күз» атты ертеңгілігіміз аяқталды.Сіздерді Күз мерекесімен құттықтаймын, әр отбасыларыңызға бақыт, береке тілеймін!
Тексерілді:
Бекітемін:
«№7 Айгөлек бөбекжай-балабақшасы»МКҚК
Меңгерушісі_________Конысова Н.А
Мерекелік ертеңгілік
«Жомарт күз»
Тәрбиеші:Қайрат Назерке
Музыка жетекешісі:Өмірбайқызы Айгүл
«Болашақ»МАД тобы
Талғар қаласы, 2022-2023 оқу жылы.