«Бекітемін»
«№7 Айгөлек бөбекжай-балабақшасы» МКҚК
Меңгерушісі ________________ Конысова Н.А.
Тақырыбы : «Алтын күз!»
Алтын күзге арналған ертеңгілік
«Жас қанат» МАД тобы
Тәрбиеші : ТлеубаеваЖ.
Талғар оқу жылы 2022-2023ж
Тақырыбы: Алтын күз!
Зал мерекеге сай безендірілген. Әдемі сазды әуен ойналып тұрады. Бүлдіршіндер тәрбиешімен бірге кіріп, орындықтарға жайғасады.
Тәрбиеші: Құрметті қонақтар, балалар! Бүгін «Күншуақ» тобының балалары дайындаған «Алтын күз!» атты ертеңгілігіне қош келдіңіздер.
- Қараңдаршы, бүгін біздің балалар қандай әдемі болып кеткен.
(Балалар орындарына отырады,тарсылдаған жаңбырдың дауысы естіледі)
- Балалар, тыңдаңыздаршы бұл не шу?
(Жаңбырдың дауысымен залға бұлттар кыреды)
Күзгі көк бұлт біз боламыз
Көтеріліп теңізден .
Аспанға биік барамыз,
Қаласақ қазір сендерге,
Жаңбыр болып жауамыз.
(Балаларға жаңбыр шашады)
Жүргізуші:
Жаңбыр, жаңбыр жаумай тұр,
Дабылыңды соқпай тұр.
Саяғыңды түгендеп .
Үйіріңді соқпай тұр!
-Біздің қыздар сендерге биін билеп берсін!
Би «Тауыс»
Бұлттар: Рахмет балалар билерің бізге ұнады. Өнерлі екенсіңдер.
Жүргізуші:Балалар бізге бұлттармен бірге көңілді , бірақ бізге күн жетіспейтін сияқты. Қане, балалар бәріміз мейрамымызға күнді қонаққа шақырайық!
(Балалар орындарында отырып , қолдарын шапалақтап , аяқтарын тыпырлатып , күнді шақырады). Күн келеді.
Күн:
-Сәлеметсіңдерме, балалар !
Мен жарқырап төбеде,
Нұрын төгіп тұрамын.
Шуақ шашып бәріне,
Бала жанын ұғамын.
Бұлттар:
Біз бұлттармыз, бұлттармыз
Қолымыздан ұстаймыз.
Көк аспанды торлаймыз,
Күнді жасырып қоршаймыз.
Жүргізуші:
Көрінші бізге қымбатты күнім
Қуантшы бізді нұр шашып бүгін
Күн:
Қуантар ем бұлттар мені қоршап алды,
Көк аспанды қара бұлттар торлап алды
Шуағымды шаша алмаймын мен жерге
Желді шақыршы көмектессін сендерге.
Жүргізуші: Күзгі жел, тез келші мұнда қалыспа
Бұлттарды ұшырып, қушы өте алысқа
(Музыкамен жел келеді)
Жел:
Мен күзгі желмін, өте жылдам желемін,
Бұлттарды алысқа қуу үшін келемін.
Бұлттар: Біз бұлттармыз, үлкее береміз, (шеңберді үлкен жасайды)
Ашуымызға тисеңдер,
Жаңбыр болып нөсерлетіп төгеміз.
Жүргізуші:
Сұрғылт бұлттар! Біз сендерден қорықпаймыз,
Күнді сөндіре алмайсыңдар.
Күштіміз деп, мықтымыз деп
Мақтануды неге қоймайсыңдар?
Жел: Балалар, бұлттар қанша мықты болса да олар желден қорқады. Сондықтан маған көмек керек, кәне бұлттарды үрлейікші, әйтпесе жалғыз шамам жетпейді. (Бәрі үрлейді)
Бұлттар: Ай, ай, ой, ой бізді қуып жатыр, қашайық.
(Жел бұлттарды қуып кетеді, күн қалады)
Жүргізуші:Мінеки балалар, күзгі жел бұлттарды қуып әкетті. Ал шуақты күніміз ортамызда жарқырап тұр. Енді біздің мерекеміздің шырқын ешкім де бұза алмайды.
(Осы кезде әдемі әуенмен Күз ханшайымы келеді)
Күз ханшайымы: Сәлеметсіздер ме, балалар!
Балалар: Сәлеметсіз бе!
Уа, халайық, дархан далам армысың,
Табиғатым жаны жайсаң тал мүсін
Ханшайымы Күздің бүгін келіп тұр,
Алмақ болып бар халқымның алғысын.
Мен – Күз ханшайымымын. Сендерді көргеніме қуаныштымын.
Жүргізуші: Қош келдің, Күз ханшайымы! Төрлет!
Біздің балалар Күз туралы өлең, тақпақ, жұмбақтар шеше алады. Сіз жайланып отырып, балалардың өнерін тамашалаңыз.
Ән: « Алтын күз»
Тәрбиеші: Жарайсыңдар балалар!Ал олай болса күз мезгілі туралы тақпақтарымызды айтып берейік.
1.Айлин
Күздің қазан айында,
Алма, алмұрт піседі.
Жапырақтар сарғайып,
Сыбдыр - сыбдыр түседі
- 2. Аяла
Жемісін мол теретін
Күз дос екен бізбенен
Бәрін тауып беретін
Жомарт екен күз деген
3.Мунира
Күздің айы тамаша,
Жеміс жидек піседі.
Астықтар орылып,
Қоймаларға түседі.
- Ж.Айжұлдыз
Қара бұлт қабағын түйеді
Бұталар боз қырау киеді
Осы ма осы ма күз деген
Бақшаға баратын бізбенен
- Әділ
Алқаптағы бидайды,
Қоймаға ел жинайды!
Тырнасы тізілген,
Ұнатамын күзді мен !
- Айсултан
Астық - жеміс жиылды.
Қамбамызға құйылды.
Ардақты күз - мың алғыс.
Алдық өнім сыйыңды.
- Ильяс
Алтын сары қызыл көк,
Алуан-алуан жапырақ.
Күзгі бақта күлімдеп,
Көз тартады атырап.
- Алихан
Сап сары ғып даланы,
Бояптығой күз деген.
Құстар қанат қағады,
Қоштасқандай бізбенен.
9.Алинұр
Күздің қазан айында,
Алма, алмұрт піседі.
Жапырақтар сарғайып,
Сыбдыр - сыбдыр түседі
Би: «Жігіттер» биі
Жүргізуші: Күз ханшайымы, балалардың өнерлері ұнады ма?
Күз ханшайымы: Иә, балалардың бәрі өнерлі екен.
Жүргізуші: Қане, балалар, осындай молшылық Күз айында бір ойын ойнап жіберейік. Ол ойын «Кім жылдам?» деп аталады. Ойын шарты бойынша ұлдар бір себетке көкөністерді жинайды, ал қыздар екінші себетке жемістер жинайды.
Ойын: «Кім жылдам?»
Ойынның шарты: Жемістермен көкөністерді ажыратып жинау.
Жүргізуші: Күз ханшайымы, балалардың ойынына баға беріңіз.
Күз ханшайымы: Жарайсыңдар, балалар! Көкөністер мен жемістерді дұрыс ажыратып жинадыңдар.
Жүргізуші:
Берекесін сыйлауға
Өлкемізге Күз келді.
Жемістерін жинауға
Шақырады біздерді.
Жемістермен көкөністерді қарсы алайық.
(Осы кезде әуен ойналады. Ортаға жемістер көкөністер шығады.)
- Аруна
Дәмі аузыңнан кетпейді,
Қызыл алма шырын бал.
Көктей тісің өтпейді,
Піскен кезде үзіп ал.
- Бексұлтан
Мен маржандай шиемін,
Күн сәулесін сүйемін.
Жемістерім піскенде,
Төмен басты иемін
- Темирлан
Дәнін егіп қиярдың,
Тыным таппай суардым,
Түйнектерін көргенде,
Бес алғандай қуандым.
- Ерали (Картоп)
Картоп біздің атымыз
Жер астында жатамыз
Бір тамырдан тараған
Ағайынбыз бәріміз
- 14. Н. Алихан
Күздің әрбір таңында,
Өзімнің бау бағымда
Жайылып жасыл желегім,
Менде өсіп келемін
- Кәусар
Қолмен үзіп аламын,
Себетіме саламын.
Жүзім терген кезімде ,
Нұр ойнайды жүзіме.
- Батыр
Тал шыбығым бұралып,
Ағаштарда қызарып.
Тұрған ол мен алмамын,
Күнге қарап ұялып.
- Айым
Нан анасы бидаймын,
Елге астық сыйлаймын.
Дақылдарым пыскенде,
Қауызыма сыймаймын
Ән: «».
Күз ханшайымы: Рахмет, балалар! Өнершіл - өрендерім! Міне, менің сыйлығым бір себет Күз сыйы. Сендерге денсаулық, шаттық және байлық әкелсін.
Жүргізуші: Күз ханшайымы, саған мың алғыс! Бүгінгі сыйлығына рахмет . Бізге тағы кел, біз сені сағына күтеміз.
Күз ханшайымы:
Берекелі бақ дәулет
Артта түссін тойланып.
Сау болыңдар, балалар,
Келгенше жыл айланып.
(Осы кезде әуен ойналады, Күз ханшайымы қоштасып кетеді)
Қош бол,Күз ханшайымы.
Тәрбиеші: Күздің кереметі, байлығы өте көп. Күзде біздің дастарханымыз дәнді дақылдарға, көкөністерге, жеміс-жидектерге толы болады, бірақ осы байлыққа жету үшін көп еңбек ету керек.
Міне, балалар осымен «Алтын Күз» атты ертеңгілігіміз аяқталды. Сіздерді Күз мерекесімен құттықтаймын, әр отбасыларыңызға бақыт, береке тілеймін!
Тексерілді :
«Бекітемін:»
МКҚК «№7 Айгөлек бөбекжай- балабақшасы»
Меңгерушісі______________Конысова Н.А
Мерекелік ертеңгілік
«Алтын күз!»
Тәрбиеші: Рабатова Камажай
Музыка жетекешісі: Өмірбайқызы Айгүл
«Күншуақ» ересек тобы
Талғар қаласы, 2022-2023 оқу жылы.