«Бекітемін»
«№7Айгөлек бөбекжай –балабақшасы» МКҚК
Меңгерушісі_____________ Конысова Н.А
Жаңа жыл мерекесіне арналған
Тақырыбы:«Қош келдің, Жаңа жыл!
атты ертеңгілі
«Балдәурен» ересек топ
Тәрбиешілер: Суюмбаева Р. А. Ахылбекова А.З.
Музыка жетекшісі: Найманбаева Ш
Талғар,2022-2023жыл.
Мақсаты: Балаларға Жаңа жыл мерекесі туралы мағлұмат беру. Жаңа жыл мерекесінің қызықтарын, әдемі көріністерін тамашалау арқылы қоршаған ортаға қызығушылығын арттыру. Балаларды бір - біріне деген достық сезімге, сүйіспеншілікке тәрбиелеу.
Зал іші мерекеге сай безендірілген. Көңілді әуен ойнап тұрады. Залға Барыс жылы балалармен билеп кіреді.
Жүргізуші: Құрметті, қонақтар «Айгөлек» балабақшасының ұжымы және біздің балалар! Сіздерді келе жатқан Жаңа жыл мерекесімен шын жүрегімізден құттықтаймыз! Жаңа жыл әр отбасына табыс пен береке, қуаныш пен мереке алып келсін дейміз!
Ән: «Жаңа жыл»
Ертегілер елінде көрініс:
Ағаш түбінде қоян жатады. Қоянның жамбасына кесек қар түсіп кетеді де үркіп қаша жөнеледі.
Қоян: Ой, ой, жау келді, жау келді.
Жамбасыма оқ тиді.
Атқан оғы зеңбірек,
Зеңбірек оғы дөңгелек.
Ал, тұрмайын қашайын.
Қасқыр : Қоянжан ау, қайдан қашып келесін?
Қоян: Ой, ой, жау келді, жау келді.
Жамбасыма оқ тиді.
Атқан оғы зеңбірек,
Зеңбірек оғы дөңгелек.
Ал, тұрмайық, қашайық қасеке.
Түлкі: Қасеке, қасеке қайдан жортып келесіңдер?
Қасқыр: Түлкіжан ау, менен несін сұрайсың мына үркек қояннан сұра.
Қоян: Жау келді, жау келді.
Жамбасыма оқ тиді.
Атқан оғы зеңбірек,
Зеңбірек оғы дөңгелек.
Жүріндер тұрмай қашайық.
Жүріңдер анау таудың басына барып дем алайық.
Қасқыр: Қарыным ашып кетті ғой түлкіжан .
Түлкі: Қасеке, қасеке уайымдама бір амалын табамын.
Қоян ,қоян біздің саған бір сыйлығымыз бар соны көріп келейік.
Жолда аңдарға аю кездеседі.
Аю: О-о, бұл не шу? Әй, қу түлкі сенің жүрген жерің айқай , шу қайдан келе жатырсыңдар?
Ей, қу түлкі не бүлдіріп жүрсіндер?
Қасқыр: Сіз қайдан тап болдыңыз?
Аю: Мені балалардың шырша мерекесіне шақырған соған келе жатырмын.
Түлкі:Аюжан сіз өзіңіз шырша мерекесіне бара беріңіз. Біздің қасқыр екеуміздің қоянда бір шаруамыз бар еді.
Аю: Тоқтаңдар қане , түлкі сендер бірдеңе бүлдірейін деп жүрсіңдер- ау
Сендер ешқайда бармайсындар, жібермеймін шыршаға бірге барамыз.
Жүргізуші: Балалар қарандаршы, бүгін біздің шыршамызға қонақтар келіпті.
Аю: Менің, Маша қызым қайда екен? -Балалар менің кішкентай Маша қызымды көрмедіңдер ма?
Жүргізуші: Балалар біз аюға Машаны табуға көмектесіміз бе?
Балалар: Иә,көмектесеміз.
-Ау-у Маша, ау-у Маша, ау-у Маша.
Тосын сый: Маша аюдың себетінен шығады.
Жүргізіші: Балалар , міне жаңа жылдық ғажайып деген осы ғой Машамыз да табылды.Қош көрдік !
Маша:Ой тамаша,тамаша!
Шыршамыз тұр жараса,
Басында әсем жұлдызы,
Көз тоймайды қараса.
Жүргізуші: Балалар, өзіміз көңілді болғанымен, шыршамыз көңілсіз болып тұр. Жаңа жыл мерекесіне кімдер жетіспей тұр?
Балалар: Аяз ата мен Ақшақар!
Жүргізуші: Дұрыс айтасыңдар, қанекей, бәріміз бірге Аяз ата мен Ақшақар-ды шақырайық.
(Барлығы Аяз ата мен Ақшақарды шақырады.)
Аяз ата: Қандай жарқын жүздерің,
Қандай әсем жырларың.
Асаулармен алысқан,
Асау желмен жарысқан.
Аталарың сендерге ,
Шаршап келді алыстан.
(Аяз ата балалармен амандасады.)
Ақшақар:Сәлеметсіңдер ме, балалар! Жаңа жылдарың құтты болсын!
Сүйсіндірер маңайды,
Ақшақармын арайлы.
Жалт-жұлт еткен жүзімнен,
Күміс сәуле тарайды.
Ақшақармын аппақпын,
Қалай тыныш жатпақпын.
Менсіз қыстың сәні жоқ,
Әнмін, жырмын, тақпақпын.
Жүргізуші: Қош келдіңіздер, Аяз ата, Ақшақар! Алыс жолдан шаршап келдіңіздер. Біраз демалып, балаларымыздың өнерін тамашалаңыздар!
Ақшақар: Аяз ата, шыршамыз көңілсіз ғой, шырша шамын жағайық!
Аяз ата: Бәрекелді, қызым, дұрыс айтасың!
Қуант, бізді, таңырқат,
Шамдарыңды жарқырат! 3рет
(Шырша шамы жанады, айқайлап қол соғады)
Жүргізуші: Балалардың әдемі биімен көңіліңізді көтеріңіз.
Би: « Жұлдыздар »
Жүргізуші: Аяз ата, балалардың сізге дайындаған тақпақтары бар.
Тақпақтар:
Айерке:Ән айтамыз, би билейміз,
Біз көңілді баламыз.
Шаршауды біз білмейміз,
Тақпақ айтып, би билеп.
Аяз Атадан сыйлық аламыз.
Амира: Жаңа жыл ,жаңа жыл
Жаңа жылға жаңа жыр.
Жасыл шырша жанында
Билеп барлық бала жүр.
Алуа: Аяз ата ақ сақалды,
Ақ таяқты паң ата,
Асып өтіп асқар тауды.
Жеттің бізге таң ата
Р.Аиша: Ақша қар, ақша қар,
Аппақ болып қонасың.
Тоса қалсам қолымды
Алақаныма толасың.
Барыс жылы: -Бір жыл бойы сендермен ойнадым, бірге жүрдім. Енді, міне, қоштасатын кез келді.
Жүргізуші: Шынымен балалар, біз бір жасқа үлкейдік. Барыс жылы Жаңа жылға орнын сыйлағысы келіп тұр, олай болса, сау болыңыз, біз сізге ризамыз.
(Бәрі Барыс жылымен қоштасады.)
Аяз ата: Балалар, ескі жылымызды шығарып салдық, енді Жаңа жылымызды қарсы алайық! Біздің жаңа жылымыз қоянымызды ортаға алып би билейік.
Жүргізуші: Аяз ата біздің қыздарымыздың әдемі биімен көңіліңізді көтеріңіз.
Би билейміз бәріміз,
Жаңа кірді сәніміз.
Ақшақарды ортаға алып,
Ән саламыз бәріміз.
Би: «Ақшақар» қыздардың орындауында .
Тақпақтар:
Жәнібек: Жаңа жылым мол болсын!
Басқан қадам оң болсын!
Төрле төрле жаңа жыл,
Бізге құтты жыл болсын!
Батыр: Оралдың өлкеме,
Жаңа жыл армысың.
Оранды ақ көрпеге,
Асқар тау, қарлы шың.
Ақжібек: Безендіріп шыршаны
Жыл қуантты баршаны.
Той - маскарад басталды,
Аяз оны басқарды
Айсұлтан:Аю, қасқыр, қоян, түлкі бәрі де,
Ортада жүр би билеп.
Балалар жүр мәз болып,
Би билейді дөңгелеп.
А.Алихан:Жаңа жыл келгенде
Қуанып қарсы аламыз.
Аяз Ата келгенде
Билейміз, ән саламыз
Айкөркем:Ақ қар жапты даланы
Ақ жамылды айнала
Жарқыратып шамдарын,
Шырша келді ортаға
Жүргізуші: Аяз- ата біздің балалардың әнін тамашалайық.
Ән : «Шырша әні»
Тақпақтар:
Тоғжан:Айналамда ұшып жүр.
Ақ мамық қар себелеп.
Қалт-құлт еткен бейне бір,
Ақ қанатты көбелек.
Алижан:Жаңа жылды қарсы алдық,
Мініп алып күймеге.
Мен де бүгін ән салдым,
Араластым биге де.
Айбатыр:Аппақ тонға оранып,
Базарлықты мол алып.
Келді алыс сапардан,
Аяз ата оралып.
Қалып едік сағынып,
Күтіп алдық жабылып.
Жолын қойдық жарық қып,
Шыршаларға шам іліп
Ақжібек: Аяз – ата ақ сақалды,
Ақ таяқты паң ата,
Асып өтіп асқар тауды
Жеттің бізге таң ата
Керей : Жасыл желек жамылған,
Асыл моншақ тағылған,
Miнe, сұлу шыршамыз.
Көптен күтіп, сағынған,
Кел, балалар, келіндер,
Би: «Қатып қал»
Тақпақтар:
Ернұр: Жапалақтап ала қар
Жауды күнде қайталап,
Қырға шықты балалар,
Шаңғыларын арқалап.
Мирас: Жұлдыз болып ағамыз
Ақ мамықтың үстімен.
Біз спортшы боламыз,
Үлгі аламыз күштіден.
Т.Аиша: Қуаныштың бүгінгі
Басылмайды ыстығы.
Жылдамырақ жүруді
Үйретеді қыс күні!
Аяла: Қыс келді, қыс келді,
Ақтарып ақ қарды.
Жон аппақ түске енді
Аралап қайтайық
Ақ күміс бақтарды.
Айнара: Тағы да қыс түсті де,
Тон жамылды қырқалар.
Қайың, терек үстіне
Қона қалды ұлпа қар.
Асқар: Ақ шанамыз зырлайды,
Ақ қар оны шыңдайды.
Біреу шаңғы тебеді,
Құйындатып келеді.
Ажар: Боран соғар оң жақтан,
Боран соғар сол жақтан.
Қар атысып ойнасақ,
Су болады малақай.
Айлина: Қыстың күні көңілді
Көп қызықты көреміз
Шығып алып далаға
Сырғанақты тебеміз.
Б.Алихан:Ішік, пима қолғап бар
Арада жоқ тоңғақтар
Баста қалың малақай
Біз тоңбаймыз алақай.
Ойын: «Тілектер сандықша»
Түлкі: Аяз- ата, Ақшақар, балаларымыз сіздерге өз өнерлерін көрсетті. Әкелген сыйлықтарыңызды қашан бересіздер?
Аяз ата: Ой, ұмытшақ басым-ай, қазір береміз.
(Балаларға сыйлық үлестіріледі.)
Аяз ата: Жарайсыңдар, балаларым! Бүгінгі шырша мерекесінің сәнін өздерің келтірдіңдер. Балалар рахмет сендерге. Барлықтарың да ақылды, өнерлі екенсіңдер. Біздің сыйлығымызға риза болыңдар. Ал енді біз жолға шығайық. Басқа да балалардың өнерін тамашалайық. Ал, балаларым, сендер өсе беріңдер, өркендей беріңдер. Аспандарың ашық болсын! Қош, сау болыңдар!
(Аяз ата мен Ақшақар қолдарын бұлғап шығып кетеді.)
Жүргізуші: Құрметті қонақтар, балалар! «Қош келдің, Жаңа жыл!» атты мерекеміз аяқталып қалды. Осындай мерекеміздің керемет өтуіне ат салысып жүрген ата-аналар мен әріптестеріме мың алғыс! Жаңа жыл құтты болсын, отбастарыңызға тек бақыт пен қуаныш әкелсін!!!
Тексерген: